چیخ اٹھتا ہے دفعتاً کردار

جب کوئی شخص بد گماں ہو جائے

بہت بعید نہ تھا مسئلوں کا حل ہونا

انا کے پاؤں سے زنجیر ہم ہٹا نہ سکے

عجب ٹھہراؤ پیدا ہو رہا ہے روز و شب میں

مری وحشت کوئی تازہ اذیت چاہتی ہے

بکتا رہتا سر بازار کئی قسطوں میں

شکر ہے میرے خدا نے مجھے شہرت نہیں دی

فاصلے یہ سمٹ نہیں سکتے

اب پرایوں میں کر شمار مجھے

میری کم گوئی پہ جو طنز کیا کرتے ہیں

میری کم گوئی کے اسباب سے ناواقف ہیں

یہ الگ بات کہ تجدید تعلق نہ ہوا

پر اسے بھولنا چاہوں تو زمانے لگ جائیں

ترک الفت کے بعد بھی اشفاقؔ

تیرا رہتا ہے انتظار مجھے

لگتا ہے کہ اس دل میں کوئی قید ہے اشفاقؔ

رونے کی صدا آتی ہے یادوں کے کھنڈر سے

کسی کی شخصیت مجروح کر دی

زمانے بھر میں شہرت ہو رہی ہے

اب کسی خواب کی تعبیر نہیں چاہتا میں

کوئی صورت پس تصویر نہیں چاہتا میں