اڑتی ہے خاک دل کے دریچوں کے آس پاس

شاید مکین کوئی نہیں اس مکان میں

یہ کون بولتا ہے مرے دل کے اندروں

آواز کس کی گونجتی ہے اس مکان میں

ایک مدت سے اسے دیکھ رہا ہوں احمدؔ

اور لگتا ہے ابھی ایک جھلک دیکھا ہے

ہوتا نہ کوئی کار زمانہ مرے سپرد

بس اپنے کاروبار محبت کو دیکھتا

اجنبی لوگ ہیں میں جن میں گھرا رہتا ہوں

آشنا کوئی یہاں میرے فسانے کا نہیں

کیا بات کروں جو باتیں تم سے کرنی تھیں

اب ان باتوں کا وقت نہیں کیا بات کروں

کسی کو چھوڑ دیتا ہوں کسی کے ساتھ چلتا ہوں

میں چلتا ہوں تو پھر وابستگی کے ساتھ چلتا ہوں

مجھے یہ کیا پڑی ہے کون میرا ہم سفر ہوگا

ہوا کے ساتھ گاتا ہوں ندی کے ساتھ چلتا ہوں