kaun Dūbegā kise paar utarnā hai 'zafar'

faisla vaqt ke dariyā meñ utar kar hogā

kaun Dubega kise par utarna hai 'zafar'

faisla waqt ke dariya mein utar kar hoga

jo reza reza nahīñ dil use nahīñ kahte

kaheñ na ā.īna us ko jo pāra-pāra nahīñ

jo reza reza nahin dil use nahin kahte

kahen na aaina us ko jo para-para nahin

añg añg se rañg rañg ke phuul baraste dekhe kaun

rañg rañg se shole barse kaise barse soche kaun

ang ang se rang rang ke phul baraste dekhe kaun

rang rang se shole barse kaise barse soche kaun

un se merī baat na pūchh

un se merī an-ban hai

un se meri baat na puchh

un se meri an-ban hai

maiñ makīñ huuñ na makāñ shahr-e-mohabbat kā 'zafar'

dil musāfir na kisī ġhair ke ghar jā.egā

main makin hun na makan shahr-e-mohabbat ka 'zafar'

dil musafir na kisi ghair ke ghar jaega