بے مقصد محفل سے بہتر تنہائی

بے مطلب باتوں سے اچھی خاموشی

بہت نزدیک تھے تصویر میں ہم

مگر وہ فاصلہ جو دکھ رہا تھا

جہاں تک ڈوبنے کا ڈر ہے تم کو

چلو ہم ساتھ چلتے ہیں وہاں تک

بس ایک دھن تھی سمندر کو پار کرنے کی

میں جانتا تھا سمندر کے پار کچھ بھی نہ تھا

گامزن ہیں ہم مسلسل اجنبی منزل کی سمت

زندگی کی آرزو میں زندگی کھوتے ہوئے

حادثہ کون سا ہوا پہلے

رات آئی کہ دن ڈھلا پہلے

مرا وجود جو پتھر دکھائی دیتا ہے

تمام عمر کی شیشہ گری کا حاصل ہے

کبھی سوچوں کہ خود میں لوٹ آؤں

کبھی سوچوں کہ ایسا کیوں کروں میں

میری طرف سبھی کہ نگاہیں تھیں اور میں

جس کش مکش میں سب تھے اسی کش مکش میں تھا

ہو دن کہ چاہے رات کوئی مسئلہ نہیں

میرے لئے حیات کوئی مسئلہ نہیں

غرق ہوتے جہاز دیکھے ہیں

سیل وقت رواں سمجھتا ہوں

تشنگی پینے کی شب تھی

آب جو ہونے کا دن تھا

کرتا ہے کار روشنی مجھ کو جلا کے دن

کرتی ہے کار تیرگی مجھ کو بجھا کے رات