jis kī adā adā pe ho insāniyat ko naaz

mil jaa.e kaash aisā bashar DhūñDte haiñ ham

jis ki ada ada pe ho insaniyat ko naz

mil jae kash aisa bashar DhunDte hain hum

jamhūriyat kā dars agar chāhte haiñ aap

koī bhī sāya-dār shajar dekh lījiye

jamhuriyat ka dars agar chahte hain aap

koi bhi saya-dar shajar dekh lijiye

maiñ jin ko apnā kahtā huuñ kab vo mire kaam aate haiñ

ye saarā sansār hai sapnā sab jhūTe rishte-nāte haiñ

main jin ko apna kahta hun kab wo mere kaam aate hain

ye sara sansar hai sapna sab jhuTe rishte-nate hain

sitam ye hai vo kabhī bhuul kar nahīñ aayā

tamām umr rahā jis kā intizār mujhe

sitam ye hai wo kabhi bhul kar nahin aaya

tamam umr raha jis ka intizar mujhe

ho bijliyoñ kā mujh se jahāñ par muqābla

yā-rab vahīñ chaman meñ mujhe āshiyāna de

ho bijliyon ka mujh se jahan par muqabla

ya-rab wahin chaman mein mujhe aashiyana de