'ajmal' na aap sā bhī koī saḳht-jāñ milā

dekheñ haiñ ham ne yuuñ to sitam-āshnā bahut

'ajmal' na aap sa bhi koi saKHt-jaan mila

dekhen hain hum ne yun to sitam-ashna bahut

vaqt-e-safar qarīb hai bistar sameT luuñ

bikhrā huā hayāt kā daftar sameT luuñ

waqt-e-safar qarib hai bistar sameT lun

bikhra hua hayat ka daftar sameT lun

hazār manzil-e-ġham se guzar chuke lekin

abhī junūn-e-mohabbat kī ibtidā bhī nahīñ

hazar manzil-e-gham se guzar chuke lekin

abhi junun-e-mohabbat ki ibtida bhi nahin

tār-e-nazar bhī ġham kī tamāzat se ḳhushk hai

vo pyaas hai mile to samundar sameT luuñ

tar-e-nazar bhi gham ki tamazat se KHushk hai

wo pyas hai mile to samundar sameT lun

kitnī tavīl kyuuñ na ho bātil kī zindagī

har raat kā hai sub.h muqaddar na bhūlnā

kitni tawil kyun na ho baatil ki zindagi

har raat ka hai subh muqaddar na bhulna

maañ ne likhā hai ḳhat meñ jahāñ jaao ḳhush raho

mujh ko bhale na yaad karo ghar na bhūlnā

man ne likha hai KHat mein jahan jao KHush raho

mujh ko bhale na yaad karo ghar na bhulna

aarzū thī khīñchte ham bhī koī aks-e-hayāt

kyā kareñ ab ke lahū āñkhoñ se Tapkā hī nahīñ

aarzu thi khinchte hum bhi koi aks-e-hayat

kya karen ab ke lahu aankhon se Tapka hi nahin

jab bhī miltā huuñ vahī chehra liye

bad-duā detā hai ā.īna mujhe

jab bhi milta hun wahi chehra liye

bad-dua deta hai aaina mujhe