luuTā jo us ne mujh ko to ābād bhī kiyā

ik shaḳhs rahzanī meñ bhī rahbar lagā mujhe

luTa jo us ne mujh ko to aabaad bhi kiya

ek shaKHs rahzani mein bhi rahbar laga mujhe

maiñ tujh ko bhuul na pā.ūñ yahī sazā hai mirī

maiñ apne-āp se letā huuñ intiqām apnā

main tujh ko bhul na paun yahi saza hai meri

main apne-ap se leta hun intiqam apna

vahī māyūsī kā aalam vahī naumīdī kā rañg

zindagī bhī kisī muflis kī duā ho jaise

wahi mayusi ka aalam wahi naumidi ka rang

zindagi bhi kisi muflis ki dua ho jaise

mere tasavvur ne baḳhshī hai tanhā.ī ko bhī ik mahfil

tū mahfil mahfil tanhā ho ye bhī to ho saktā hai

mere tasawwur ne baKHshi hai tanhai ko bhi ek mahfil

tu mahfil mahfil tanha ho ye bhi to ho sakta hai

ajiib us se ta.alluq hai kyā kahā jaa.e

kuchh aisī sulh nahīñ hai kuchh aisī jañg nahīñ

ajib us se talluq hai kya kaha jae

kuchh aisi sulh nahin hai kuchh aisi jang nahin