جذبے کی کڑی دھوپ ہو تو کیا نہیں ممکن

یہ کس نے کہا سنگ پگھلتا ہی نہیں ہے

سونے کتنے بام ہوئے کتنے آنگن بے نور ہوئے

چاند سے چہرے یاد آتے ہیں چاند نکلتے وقت بہت

ہمیں خدا پہ بھروسہ ہے نا خدا پہ نہیں

خدا جو دیتا ہے وہ نا خدا نہیں دیتا

حسد کا رنگ پسندیدہ رنگ ہے سب کا

یہاں کسی کو کوئی اب دعا نہیں دیتا

موسم گل ترے صدقے تری آمد کے نثار

دیکھ مجھ سے مرا سایہ بھی جدا ہے اب کے

اک تیرے ہی کوچے پر موقوف نہیں ہے کچھ

ہر گام ہیں تعزیریں ہم لوگ جہاں بھی ہیں

کتنے محبوب گھروں سے گئے کس کو معلوم

واپس آئے ہیں جو اپنوں میں خبر کی صورت

اسی حسرت میں کٹی راہ حیات

کوئی دو چار قدم ساتھ چلے

دیکھو اس نے قدم قدم پر ساتھ دیا بیگانے کا

اخترؔ جس نے عہد کیا تھا تم سے ساتھ نبھانے کا

خوابیدہ اپنے چاہنے والوں کو دیکھ کر

ممکن ہے لوٹ جائے سحر جاگتے رہو

مئے کہنہ نہ سہی خون تمنا ہی سہی

ایک پیمانہ مرے سامنے لایا تو گیا