maiñ to is vāste chup huuñ ki tamāshā na bane

tū samajhtā hai mujhe tujh se gilā kuchh bhī nahīñ

main to is waste chup hun ki tamasha na bane

tu samajhta hai mujhe tujh se gila kuchh bhi nahin

maiñ ghar ko phūñk rahā thā baḌe yaqīn ke saath

ki terī raah meñ pahlā qadam uThānā thā

main ghar ko phunk raha tha baDe yaqin ke sath

ki teri rah mein pahla qadam uThana tha

abhī safar meñ koī moḌ hī nahīñ aayā

nikal gayā hai ye chup-chāp dāstān se kaun

abhi safar mein koi moD hi nahin aaya

nikal gaya hai ye chup-chap dastan se kaun

muddatoñ meñ aaj dil ne faisla āḳhir diyā

ḳhūb-sūrat hī sahī lekin ye duniyā jhuuT hai

muddaton mein aaj dil ne faisla aaKHir diya

KHub-surat hi sahi lekin ye duniya jhuT hai

vo muskurā ke koī baat kar rahā thā 'shumār'

aur us ke lafz bhī the chāñdnī meñ bikhre hue

wo muskura ke koi baat kar raha tha 'shumar'

aur us ke lafz bhi the chandni mein bikhre hue