فساد روکنے کم ظرف لوگ پہنچے ہیں

گھروں میں رہ گئے روشن ضمیر جتنے تھے

آرزو ٹیس کرب تنہائی

خود میں کتنا سمٹ گیا ہوں میں

میرا سایہ بھی بڑھ گیا مجھ سے

اس سلیقہ سے گھٹ گیا ہوں میں

نئی تحقیق نے قطروں سے نکالے دریا

ہم نے دیکھا ہے کہ ذروں سے زمانے نکلے

زندگی کے بہت قریب نہ جا

فاصلہ کچھ تو اپنے دھیان میں رکھ

ذہن میں اجنبی سمتوں کے ہیں پیکر لیکن

دل کے آئینے میں سب عکس پرانے نکلے

ہر ایک حرف سے جینے کا فن نمایاں ہو

کچھ اس طرح کی عبارت نصاب میں لکھیے

اکملؔ آج کا انساں کتنا بے تحمل ہے

دل میں کچھ خلش ابھری اور داغ دی سازش

انگلیوں کے ہنر سے اے اکملؔ

شکل پاتی ہے چاک پر مٹی

اپنے احساس کی شدت کو بجھانے کے لئے

میں نئی طرز کے خوش فکر رسالے مانگوں