fasād rokne kam-zarf log pahuñche haiñ

gharoñ meñ rah ga.e raushan zamīr jitne the

fasad rokne kam-zarf log pahunche hain

gharon mein rah gae raushan zamir jitne the

aarzū Tiis karb tanhā.ī

ḳhud meñ kitnā simaT gayā huuñ maiñ

aarzu Tis karb tanhai

KHud mein kitna simaT gaya hun main

merā saaya bhī baḌh gayā mujh se

is salīqe se ghaT gayā huuñ maiñ

mera saya bhi baDh gaya mujh se

is saliqe se ghaT gaya hun main

na.ī tahqīq ne qatroñ se nikāle dariyā

ham ne dekhā hai ki zarroñ se zamāne nikle

nai tahqiq ne qatron se nikale dariya

hum ne dekha hai ki zarron se zamane nikle

zindagī ke bahut qarīb na jā

fāsla kuchh to apne dhyān meñ rakh

zindagi ke bahut qarib na ja

fasla kuchh to apne dhyan mein rakh

zehn meñ ajnabī samtoñ ke haiñ paikar lekin

dil ke ā.īne meñ sab aks purāne nikle

zehn mein ajnabi samton ke hain paikar lekin

dil ke aaine mein sab aks purane nikle

har ek harf se jiine kā fan numāyāñ ho

kuchh is tarah kī ibārat nisāb meñ likhiye

har ek harf se jine ka fan numayan ho

kuchh is tarah ki ibarat nisab mein likhiye

'akmal' aaj kā insāñ kitnā be-tahammul hai

dil meñ kuchh ḳhalish ubhrī aur daaġh dī sāzish

'akmal' aaj ka insan kitna be-tahammul hai

dil mein kuchh KHalish ubhri aur dagh di sazish

uñgliyoñ ke hunar se ai 'akmal'

shakl paatī hai chaak par miTTī

ungliyon ke hunar se ai 'akmal'

shakl pati hai chaak par miTTi

apne ehsās kī shiddat ko bujhāne ke liye

maiñ na.ī tarz ke ḳhush-fikr risāle māñgoñ

apne ehsas ki shiddat ko bujhane ke liye

main nai tarz ke KHush-fikr risale mangon