ishq meñ tahzīb ke haiñ aur hī kuchh falsafe

tujh se ho kar ham ḳhafā ḳhud se ḳhafā rahne lage

ishq mein tahzib ke hain aur hi kuchh falsafe

tujh se ho kar hum KHafa KHud se KHafa rahne lage

pūchh rahe haiñ mujh se peḌoñ ke saudāgar

āb-o-havā kaise zahrīlī ho jaatī hai

puchh rahe hain mujh se peDon ke saudagar

aab-o-hawa kaise zahrili ho jati hai

bahut sukūn se rahte the ham añdhere meñ

fasād paidā huā raushnī ke aane se

bahut sukun se rahte the hum andhere mein

fasad paida hua raushni ke aane se

haath pakaḌ le ab bhī terā ho saktā huuñ maiñ

bhiiḌ bahut hai is mele meñ kho saktā huuñ maiñ

hath pakaD le ab bhi tera ho sakta hun main

bhiD bahut hai is mele mein kho sakta hun main

maiñ ne bachpan meñ adhūrā ḳhvāb dekhā thā koī

aaj tak masrūf huuñ us ḳhvāb kī takmīl meñ

main ne bachpan mein adhura KHwab dekha tha koi

aaj tak masruf hun us KHwab ki takmil mein