dard aisā diyā ehsās-e-vafā ne ham ko

na davā ne hī shifā dī na duā ne ham ko

dard aisa diya ehsas-e-wafa ne hum ko

na dawa ne hi shifa di na dua ne hum ko

kitāb ziist meñ bāb-e-alam bhī ho mahfūz

siyāh-rāt kā manzar sahar meñ rakkhā jaa.e

kitab zist mein bab-e-alam bhi ho mahfuz

siyah-raat ka manzar sahar mein rakkha jae

maiñ hī thā ik aañkh na bhāoñ vo to ab bhī yaar haiñ tere

jin logoñ ne terā charchā bāzāroñ meñ aam kiyā

main hi tha ek aankh na bhaon wo to ab bhi yar hain tere

jin logon ne tera charcha bazaron mein aam kiya

maiñ tujhe bhuul na paayā to ye chāhat hai mirī

yaad rakkhā hai jo tū ne tirā ehsāñ jānāñ

main tujhe bhul na paya to ye chahat hai meri

yaad rakkha hai jo tu ne tera ehsan jaanan

vaqt kī tez havāoñ ne ajab moḌ liyā

phuul se haath jo the un meñ bhī patthar nikle

waqt ki tez hawaon ne ajab moD liya

phul se hath jo the un mein bhi patthar nikle