un kī tamannā merī koshish bāham va.ade aur qasmeñ

kuchh merī taqdīr ke sadqe baaqī sab hālāt ke naam

un ki tamanna meri koshish baham wade aur qasmen

kuchh meri taqdir ke sadqe baqi sab haalat ke nam

maiñ tujhe bhuul na paayā to ye chāhat hai mirī

yaad rakkhā hai jo tū ne tirā ehsāñ jānāñ

main tujhe bhul na paya to ye chahat hai meri

yaad rakkha hai jo tu ne tera ehsan jaanan

kitāb ziist meñ bāb-e-alam bhī ho mahfūz

siyāh-rāt kā manzar sahar meñ rakkhā jaa.e

kitab zist mein bab-e-alam bhi ho mahfuz

siyah-raat ka manzar sahar mein rakkha jae

vaqt kī tez havāoñ ne ajab moḌ liyā

phuul se haath jo the un meñ bhī patthar nikle

waqt ki tez hawaon ne ajab moD liya

phul se hath jo the un mein bhi patthar nikle

ruko to yuuñ ki Thahar jaa.e gardish-e-daurāñ

chalo to aise ki saare jahāñ ko saath liye

ruko to yun ki Thahar jae gardish-e-dauran

chalo to aise ki sare jahan ko sath liye