mushkil ko samajhne kā vasīla nikal aatā

tum baat to karte koī rasta nikal aatā

mushkil ko samajhne ka wasila nikal aata

tum baat to karte koi rasta nikal aata

maiñ joḌ to detā tirī tasvīr ke TukḌe

mushkil thā ki vo pahlā sā chehra nikal aatā

main joD to deta teri taswir ke TukDe

mushkil tha ki wo pahla sa chehra nikal aata

mohabbat jurm hai to phir sazā bhī ek jaisī ho

koī rusvā koī mash.hūr ho aisā nahīñ hotā

mohabbat jurm hai to phir saza bhi ek jaisi ho

koi ruswa koi mashhur ho aisa nahin hota

har ik rishta bikhrā bikhrā kyuuñ lagtā hai

is duniyā meñ sab kuchh jhūTā kyuuñ lagtā hai

har ek rishta bikhra bikhra kyun lagta hai

is duniya mein sab kuchh jhuTa kyun lagta hai

guzārne the yahī chaar din guzār diye

na koī rañj na shikva na ab malāl koī

guzarne the yahi chaar din guzar diye

na koi ranj na shikwa na ab malal koi