عنبر کھربندہ کی شاعری

عنبر کھربندہ کے اشعار

مشکل کو سمجھنے کا وسیلہ نکل آتا

تم بات تو کرتے کوئی رستہ نکل آتا

میں جوڑ تو دیتا تری تصویر کے ٹکڑے

مشکل تھا کہ وو پہلا سا چہرہ نکل آتا

محبت جرم ہے تو پھر سزا بھی ایک جیسی ہو

کوئی رسوا کوئی مشہور ہو ایسا نہیں ہوتا

ہر اک رشتہ بکھرا بکھرا کیوں لگتا ہے

اس دنیا میں سب کچھ جھوٹا کیوں لگتا ہے

گزارنے تھے یہی چار دن گزار دئے

نہ کوئی رنج نہ شکوہ نہ اب ملال کوئی

بس اور تو کیا ہونا تھا دکھ درد سنا کر

یاروں کے لئے ایک تماشہ نکل آتا