dīvāngī kī aisī milegī kahāñ misāl

kāñTe ḳhārīdtā huuñ gulāboñ ke shahr meñ

diwangi ki aisi milegi kahan misal

kanTe KHaridta hun gulabon ke shahr mein

jab zamīñ ke muqaddar sañvar jā.eñge

āsmāñ se farishte utar ā.eñge

jab zamin ke muqaddar sanwar jaenge

aasman se farishte utar aaenge

laakh sūraj kī ināyāt raheñ mere saath

merā saaya na mire qad ke barābar phailā

lakh suraj ki inayat rahen mere sath

mera saya na mere qad ke barabar phaila

sahīfe fikr-o-nazar ke jo de ga.e tartīb

vahī to sher-o-suḳhan ke payambaroñ meñ rahe

sahife fikr-o-nazar ke jo de gae tartib

wahi to sher-o-suKHan ke payambaron mein rahe

yaad kī ḳhushbū dil ke nagar meñ phailegī

ġham ke saa.e lagte haiñ ab shītal se

yaad ki KHushbu dil ke nagar mein phailegi

gham ke sae lagte hain ab shital se