bikhar ke TuuT ga.e ham bikhartī duniyā meñ

ḳhud-āfrīnī kā saudā hamāre sar meñ thā

bikhar ke TuT gae hum bikharti duniya mein

KHud-afrini ka sauda hamare sar mein tha

Dubo.e detā hai ḳhud-āgahī kā baar mujhe

maiñ Dhaltā nashsha huuñ mauj-e-tarab ubhār mujhe

Duboe deta hai KHud-agahi ka bar mujhe

main Dhalta nashsha hun mauj-e-tarab ubhaar mujhe

kitne subuk-dil hue tujh se bichhaḌne ke ba.ad

un se bhī milnā paḌā jin se mohabbat na thī

kitne subuk-dil hue tujh se bichhaDne ke baad

un se bhi milna paDa jin se mohabbat na thi

saarī shafaq sameT ke sūraj chalā gayā

ab kyā rahā hai mauj-e-shab-e-tār ke sivā

sari shafaq sameT ke suraj chala gaya

ab kya raha hai mauj-e-shab-e-tar ke siwa

ujāltī nahīñ ab mujh ko koī tārīkī

sañvārtā nahīñ ab koī hādsa mujh ko

ujalti nahin ab mujh ko koi tariki

sanwarta nahin ab koi hadsa mujh ko