mujh se jo pūchhte ho to har haal shukr hai

yuuñ bhī guzar ga.ī mirī vuuñ bhī guzar ga.ī

mujh se jo puchhte ho to har haal shukr hai

yun bhi guzar gai meri wun bhi guzar gai

jugnū miyāñ kī dum jo chamaktī hai raat ko

sab dekh dekh us ko bajāte haiñ tāliyāñ

jugnu miyan ki dum jo chamakti hai raat ko

sab dekh dekh us ko bajate hain taliyan

kab dard se dil ko taab aayā

āñkhoñ meñ kahāñ se ḳhvāb aayā

kab dard se dil ko tab aaya

aankhon mein kahan se KHwab aaya

dil-bastagī qafas se yahāñ tak huī mujhe

goyā kabhī chaman meñ merā āshiyāñ na thā

dil-bastagi qafas se yahan tak hui mujhe

goya kabhi chaman mein mera aashiyan na tha

ai shaiḳh agar kufr se islām judā hai

pas chāhiye tasbīh meñ zunnār na hotā

ai shaiKH agar kufr se islam juda hai

pas chahiye tasbih mein zunnar na hota

merī taraf se ḳhātir-e-sayyād jamā hai

kyā uḌ sakegā tā.ir-e-be-bāl-o-par kahīñ

meri taraf se KHatir-e-sayyaad jama hai

kya uD sakega tair-e-be-baal-o-par kahin