کون ہوں میں مجھے نہیں معلوم

کون ہو تم پتا لگا رہا ہوں

مجھے ملال نہیں تیری بے وفائی کا

میں اپنے آپ سے آنکھیں نہیں ملا سکتا

اداس لوگوں کے ماتھوں کو چومتے رہنا

انہی کہ وجہ سے برعکس ہو گئے تم لوگ

ہجر کی جنگ کا سپاہی ہوں

لڑ رہا ہوں ترے فراق سے میں

ہمیں بننا پڑے گا ایلین ورنہ مرے پیارے

تجھے بھی کھائے گا آدم مجھے بھی کھائے گا آدم

میں تمہارے بغیر ایسا ہوں

جس طرح دین ہے نبی کے بغیر

مرا سب کچھ ہو تم لیکن یہاں پر

خدا سب کچھ نہیں دیتا کسی کو

یہ کیسے لوگ ترے آس پاس گھومتے ہیں

انہیں تو دیکھ کے میرا دماغ گھومتا ہے

مری تنہائی مجھ سے کہتی ہے

بھاڑ میں جائے بھیڑ آؤ ادھر

مار ڈالے گا تجسس جانفؔ

یا اداسی تمہیں لے ڈوبے گی

زمین اپنی طرف کھینچتی ہے اور جانفؔ

فلک نے اپنا بچھایا ہے جال میرے لئے

جو تجسس ہے جانفا تیرا

کوئی شے ہے نہیں بڑی اس سے

تو خدا سے بھی دور ہے لڑکی

اور دل کائیں کائیں کر رہا ہے

بہت ہی کم کو ملی ہیں محبتیں جانفؔ

زیادہ تر کو تو محبوب نے دعا دی ہے

میں روز کہیں کھو کے لگاتا ہوں صدائیں

میں روز مجھے ڈھونڈ کے لاتا ہوں کہیں سے

بہشت کیا ہے کسی کے لئے نہیں معلوم

مرے لئے تری آغوش ہی ہے خلد بریں

ایک ہی ذہن ہے ہمارے پاس

اور ہیں اس پہ کائناتیں سوار