اجنبی مجھ سے آ گلے مل لے

آج اک دوست یاد آئے مجھے

بھول بیٹھا ہوں میں زمانے کو

اب زمانہ بھی بھول جائے مجھے

آنسوؤں کو فضول مت سمجھو

یہ بڑے قیمتی سہارے ہیں

یہ مری بزم نہیں ہے لیکن

دل لگا ہے تو لگا رہنے دو

تیرا میرا ہے گماں کا رشتہ

تو ہے میری تری ایجاد ہوں میں

تاکہ نہ نگاہوں کو اندھیرے نظر آئیں

آئینہ اجالوں نے یہ چمکایا ہوا ہے

یہ دل میں وسوسہ کیا پل رہا ہے

ترا ملنا بھی مجھ کو کھل رہا ہے

صرف میں اپنی کہانی ہی نہیں

سن مجھے تیری بھی روداد ہوں میں

جتن تو خوب کیے اس نے ٹالنے کے مگر

میں اس کی بزم سے اس کے جواب تک نہ اٹھا