اسے اب بھول جانے کا ارادہ کر لیا ہے

بھروسہ غالباً خود پر زیادہ کر لیا ہے

جس کی خاطر میں بھلا بیٹھا تھا اپنے آپ کو

اب اسی کے بھول جانے کا ہنر بھی دیکھنا

وہ ایک شخص کہ منزل بھی راستا بھی ہے

وہی دعا بھی وہی حاصل دعا بھی ہے

لگتا نہیں کہ اس سے مراسم بحال ہوں

میں کیا کروں کہ تھوڑا سا پاگل تو میں بھی ہوں

یہ کس عذاب میں اس نے پھنسا دیا مجھ کو

کہ اس کا دھیان کوئی کام کرنے دیتا نہیں

گم ہوا جاتا ہے کوئی منزلوں کی گرد میں

زندگی بھر کی مسافت رائیگاں ہونے کو ہے

آئے ہیں لوگ رات کی دہلیز پھاند کر

ان کے لیے نوید سحر ہونی چاہیئے

دلوں سے خوف نکلتا نہیں عذابوں کا

زمیں نے اوڑھ لیے سر پر آسماں پھر سے