sirf tasvīr rah ga.ī baaqī

jis meñ ham ek saath baiThe haiñ

sirf taswir rah gai baqi

jis mein hum ek sath baiThe hain

ab vo kahtā hai ki zanjīr banī mere liye

us ke pairoñ meñ jo paa.el kabhī pahnā.ī thī

ab wo kahta hai ki zanjir bani mere liye

us ke pairon mein jo pael kabhi pahnai thi

dhuup baḌhī to vo bhī apne apne paañv khīñch ga.e

maiñ ne apne hisse kī jin peḌoñ ko hariyālī dī

dhup baDhi to wo bhi apne apne panw khinch gae

main ne apne hisse ki jin peDon ko hariyali di

kisī aur ko maiñ tire sivā nahīñ chāhtā

so kisī se terā muvāzana nahīñ chāhtā

kisi aur ko main tere siwa nahin chahta

so kisi se tera muwazana nahin chahta