qarīb se na guzar intizār baaqī rakh

qarābatoñ kā magar e'tibār baaqī rakh

qarib se na guzar intizar baqi rakh

qarabaton ka magar e'tibar baqi rakh

masarrat aur ġham donoñ kī koī had zarūrī hai

kisī bhī ek shai kā silsila achchhā nahīñ lagtā

masarrat aur gham donon ki koi had zaruri hai

kisi bhi ek shai ka silsila achchha nahin lagta

churā ke laa.e haiñ kuchh log lafz ke motī

inheñ vo bech rahe haiñ dukāñ dukāñ ho kar

chura ke lae hain kuchh log lafz ke moti

inhen wo bech rahe hain dukan dukan ho kar

uThe jaate haiñ dīda-var sabhī āhista āhista

ye duniyā mo'tabar logoñ se ḳhālī hotī jaatī hai

uThe jate hain dida-war sabhi aahista aahista

ye duniya mo'tabar logon se KHali hoti jati hai

vo baat mujh ko to dushnām sī lagī hai 'atīq'

tumhārā naam likhā kis ne be-vafāoñ meñ

wo baat mujh ko to dushnam si lagi hai 'atiq'

tumhaara nam likha kis ne be-wafaon mein