اتل اجنبی کی شاعری

اتل اجنبی کے اشعار

عجب خلوص عجب سادگی سے کرتا ہے

درخت نیکی بڑی خامشی سے کرتا ہے

پتوں کو چھوڑ دیتا ہے اکثر خزاں کے وقت

خود غرضی ہی کچھ ایسی یہاں ہر شجر میں ہے

سفر ہو شاہ کا یا قافلہ فقیروں کا

شجر مزاج سمجھتے ہیں راہگیروں کا

کسی درخت سے سیکھو سلیقہ جینے کا

جو دھوپ چھاؤں سے رشتہ بنائے رہتا ہے

جب غزل میرؔ کی پڑھتا ہے پڑوسی میرا

اک نمی سی مری دیوار میں آ جاتی ہے

یہ رہبر آج بھی کتنے پرانے لگتے ہیں

کہ پیڑ دور سے رستہ دکھانے لگتے ہیں

اجنبی تم کبھی نہ پاؤ گے

مرتبہ جو غزل میں میرؔ کا ہے