jo ho sake to chale aao aaj merī taraf

mile bhī der huī aur jī udaas bhī hai

jo ho sake to chale aao aaj meri taraf

mile bhi der hui aur ji udas bhi hai

dard-e-mahrūmī-e-jāved bhī ik daulat hai

ahl-e-ġham bhī tire sharminda-e-ehsāñ nikle

dard-e-mahrumi-e-jawed bhi ek daulat hai

ahl-e-gham bhi tere sharminda-e-ehsan nikle

kyā kyā farāġhateñ thiiñ mayassar hayāt ko

vo din bhī the ki tere sivā koī ġham na thā

kya kya faraghaten thin mayassar hayat ko

wo din bhi the ki tere siwa koi gham na tha

aaj tak yaad hai vo shām-e-judā.ī kā samāñ

terī āvāz kī larzish tire lahje kī thakan

aaj tak yaad hai wo sham-e-judai ka saman

teri aawaz ki larzish tere lahje ki thakan

kuchh naqsh tirī yaad ke baaqī haiñ abhī tak

dil be-sar-o-sāmāñ sahī vīrāñ to nahīñ hai

kuchh naqsh teri yaad ke baqi hain abhi tak

dil be-sar-o-saman sahi viran to nahin hai