miltī hai ḳhushī sab ko jaise hī kahīñ se bhī

bhūlī hui bachpan kī tasvīr nikaltī hai

milti hai KHushi sab ko jaise hi kahin se bhi

bhuli hui bachpan ki taswir nikalti hai

ye jo behāl sā manzar ye jo bīmār se ham tum

siyāsat kī navāzish hai kisī se kuchh nahīñ boleñ

ye jo behaal sa manzar ye jo bimar se hum tum

siyasat ki nawazish hai kisi se kuchh nahin bolen

ye tamannā hai ḳhudā ālam-e-hastī meñ tire

maiñ ayaañ dekhnā chāhūñ to nihāñ tak dekhūñ

ye tamanna hai KHuda aalam-e-hasti mein tere

main ayan dekhna chahun to nihan tak dekhun

bas rañj kī hai dāstāñ unvān hazāroñ

jiine ke liye mar ga.e insān hazāroñ

bas ranj ki hai dastan unwan hazaron

jine ke liye mar gae insan hazaron

dekhā nahīñ jis ne mire tūfāñ ko sukūñ meñ

vo shaḳhs mirī ruuh ke andar nahīñ utrā

dekha nahin jis ne mere tufan ko sukun mein

wo shaKHs meri ruh ke andar nahin utra