hai kāmyābī-e-mardāñ meñ haath aurat kā

magar tū ek hī aurat pe inhisār na kar

hai kaamyabi-e-mardan mein hath aurat ka

magar tu ek hi aurat pe inhisar na kar

maiñ ek borī meñ laayā huuñ bhar ke mūñg-phalī

kisī ke saath december kī raat kāTnī hai

main ek bori mein laya hun bhar ke mung-phali

kisi ke sath december ki raat kaTni hai

vo tiis saal se hai faqat biis saal kī

chehre pe aa chukī hai buzurgī jamāl kī

wo tis sal se hai faqat bis sal ki

chehre pe aa chuki hai buzurgi jamal ki

de rahe haiñ is liye jañgal meñ dharnā jānvar

ek chūhe ko rihā.ish ke liye bil chāhiye

de rahe hain is liye jangal mein dharna jaanwar

ek chuhe ko rihaish ke liye bil chahiye

kitnī mazāhiya hai ye botal ke jin kī baat

aaqā ab inqalāb hai do chaar din kī baat

kitni mazahiya hai ye botal ke jin ki baat

aaqa ab inqalab hai do chaar din ki baat

kuude haiñ us ke sehn meñ do-chār sher-dil

ham facebōk kī wall se aage nahīñ ga.e

kude hain us ke sehn mein do-chaar sher-dil

hum facebook ki wall se aage nahin gae

ve bāloñ meñ color lagvā chukā hai

ye dhoka pāñch sau meñ khā chukā hai

we baalon mein color lagwa chuka hai

ye dhoka panch sau mein kha chuka hai

vo saaḌī jewellery ke tahā.if pe thī ba-zid

ham sau ruupe kī shaal se aage nahīñ ga.e

wo saDi jewellery ke tahaif pe thi ba-zid

hum sau rupe ki shaal se aage nahin gae

mo.arriḳh likh na deñ suqrāt mujh ko

maiñ lassī kā piyāla pī rahā huuñ

moarriKH likh na den suqraat mujh ko

main lassi ka piyala pi raha hun

ishq meñ ye tafraqa-bāzī bahut ma.ayūb hai

pyaar ko shii.a vahābī aur sunnī mat samajh

ishq mein ye tafraqa-bazi bahut mayub hai

pyar ko shia wahabi aur sunni mat samajh

na ye qānūn kaam aayā thā rāñjhe ke zarā sā bhī

usī ko bhaiñs miltī hai ho jis ke haath meñ lāThī

na ye qanun kaam aaya tha ranjhe ke zara sa bhi

usi ko bhains milti hai ho jis ke hath mein laThi

cable pe ek shef se jaldī meñ siikh kar

laa.ī vo shimla-mirch kā halva mire liye

cable pe ek shef se jaldi mein sikh kar

lai wo shimla-mirch ka halwa mere liye

aisī ḳhvāhish ko samajhtā huuñ maiñ bilkul natural

doctor ko shahr kā har mard o zan ill chāhiye

aisi KHwahish ko samajhta hun main bilkul natural

doctor ko shahr ka har mard o zan ill chahiye

thakā haarā nikal kar ghar se apne

vo phir office meñ sone jā chukā hai

thaka haara nikal kar ghar se apne

wo phir office mein sone ja chuka hai

aise bandoñ ko jāntā huuñ maiñ

jin kā vāhid ilaaj mālish hai

aise bandon ko jaanta hun main

jin ka wahid ilaj malish hai

vo aftārī se pahle chakhte chakhte

khujūreñ aur pakauḌe khā chukā hai

wo aftari se pahle chakhte chakhte

khujuren aur pakauDe kha chuka hai

do ḳhat ba-nām-e-zauja-o-jānāñ likhe magar

donoñ ḳhatoñ kā us se lifāfa badal gayā

do KHat ba-nam-e-zauja-o-jaanan likhe magar

donon KHaton ka us se lifafa badal gaya

das baara ġhazliyāt jo rakhtā hai jeb meñ

bazm-e-suḳhan meñ hai vo nishānī vabāl kī

das bara ghazliyat jo rakhta hai jeb mein

bazm-e-suKHan mein hai wo nishani wabaal ki

ye diyā massage twēter par fasādī shaḳhs ne

us ko jaltī ke liye fil-faur oil chāhiye

ye diya massage tweeter par fasadi shaKHs ne

us ko jalti ke liye fil-faur oil chahiye

begam se kah rahā thā ye koī ḳhalā-navard

baiThī huī hai chāñd pe ''guḌiyā'' mire liye

begam se kah raha tha ye koi KHala-naward

baiThi hui hai chand pe guDiya mere liye