karoge yaad to har baat yaad aa.egī

guzarte vaqt kī har mauj Thahar jā.egī

karoge yaad to har baat yaad aaegi

guzarte waqt ki har mauj Thahar jaegi

de nishānī koī aisī ki sadā yaad rahe

zaḳhm kī baat hai kyā zaḳhm to bhar jā.eñge

de nishani koi aisi ki sada yaad rahe

zaKHm ki baat hai kya zaKHm to bhar jaenge

pyaar ke bandhan ḳhuun ke rishte TuuT ga.e ḳhvāboñ kī tarah

jāgtī āñkheñ dekh rahī thiiñ kyā kyā kārobār hue

pyar ke bandhan KHun ke rishte TuT gae KHwabon ki tarah

jagti aankhen dekh rahi thin kya kya karobar hue

kahte kahte kuchh badal detā hai kyuuñ bātoñ kā ruḳh

kyuuñ ḳhud apne-āp ke bhī saath vo sachchā nahīñ

kahte kahte kuchh badal deta hai kyun baaton ka ruKH

kyun KHud apne-ap ke bhi sath wo sachcha nahin

jaane kin rishtoñ ne mujh ko bāñdh rakkhā hai ki maiñ

muddatoñ se āñdhiyoñ kī zad meñ huuñ bikhrā nahīñ

jaane kin rishton ne mujh ko bandh rakkha hai ki main

muddaton se aandhiyon ki zad mein hun bikhra nahin

koī yādoñ se joḌ le ham ko

ham bhī ik TūTtā sā rishta haiñ

koi yaadon se joD le hum ko

hum bhi ek TuTta sa rishta hain

ye ehtimām-e-charāġhāñ bajā sahī lekin

sahar to ho nahīñ saktī diye jalāne se

ye ehtimam-e-charaghan baja sahi lekin

sahar to ho nahin sakti diye jalane se

bahut thā ḳhauf jis kā phir vahī qissā nikal aayā

mire dukh se kisī āvāz kā rishtā nikal aayā

bahut tha KHauf jis ka phir wahi qissa nikal aaya

mere dukh se kisi aawaz ka rishta nikal aaya

vahī hai rañg magar bū hai kuchh lahū jaisī

ye ab kī fasl meñ khilte gulāb kaise haiñ

wahi hai rang magar bu hai kuchh lahu jaisi

ye ab ki fasl mein khilte gulab kaise hain

tujh meñ aur mujh meñ ta.alluq hai vahī

hai jo rishta saaz aur mizrāb meñ

tujh mein aur mujh mein talluq hai wahi

hai jo rishta saz aur mizrab mein

ghaTtī baḌhtī raushniyoñ ne mujhe samjhā nahīñ

maiñ kisī patthar kisī dīvār kā saayā nahīñ

ghaTti baDhti raushniyon ne mujhe samjha nahin

main kisi patthar kisi diwar ka saya nahin

tez havā.eñ āñkhoñ meñ to ret dukhoñ kī bhar hī ga.iiñ

jalte lamhe rafta rafta dil ko bhī jhulsā.eñge

tez hawaen aankhon mein to ret dukhon ki bhar hi gain

jalte lamhe rafta rafta dil ko bhi jhulsaenge