jise manzil samajh kar ruk ga.e ham

vahīñ se apnā āġhāz-e-safar thā

jise manzil samajh kar ruk gae hum

wahin se apna aaghaz-e-safar tha

hasīñ yādeñ vo bachpan kī kahīñ dil se na kho jaa.eñ

maiñ apne āshiyāne meñ khilaune ab bhī rakhtā huuñ

hasin yaaden wo bachpan ki kahin dil se na kho jaen

main apne aashiyane mein khilaune ab bhi rakhta hun

mohabbat bāñTanā sīkho mohabbat hai atā rab kī

mohabbat bāñTne vaale tavīl-ul-umr hote haiñ

mohabbat banTana sikho mohabbat hai ata rab ki

mohabbat banTne wale tawil-ul-umr hote hain

ye bātoñ meñ narmī ye tahzīb-o-ādāb

sabhī kuchh milā ham ko urdu zabāñ se

ye baaton mein narmi ye tahzib-o-adab

sabhi kuchh mila hum ko urdu zaban se

mujh ko aḳhbār sī lagtī haiñ tumhārī bāteñ

har na.e roz nayā fitna bayāñ kartī haiñ

mujh ko aKHbar si lagti hain tumhaari baaten

har nae roz naya fitna bayan karti hain

shāyad hamāre hijr meñ lafzoñ kā haath thā

ik lafz-e-ġhair ne to parāyā hī kar diyā

shayad hamare hijr mein lafzon ka hath tha

ek lafz-e-ghair ne to paraya hi kar diya

in se vābasta hai mirā bachpan

maiñ khilaunoñ kī qadr kartā huuñ

in se wabasta hai mera bachpan

main khilaunon ki qadr karta hun

ik bevafā ke pyaar meñ had se guzar ga.e

kāfir ke pyaar ne hameñ kāfir banā diyā

ek bewafa ke pyar mein had se guzar gae

kafir ke pyar ne hamein kafir bana diya

is tarah munsalik huā urdu zabān se

miltā huuñ ab sabhī se baḌī ājizī ke saath

is tarah munsalik hua urdu zaban se

milta hun ab sabhi se baDi aajizi ke sath

dīvālī kī ḳhushī thī paTāḳhoñ kā shor thā

maiñ kar rahā thā us kī ḳhamoshī se guftugū

diwali ki KHushi thi paTaKHon ka shor tha

main kar raha tha us ki KHamoshi se guftugu

yuuñ mohabbat ko umr-bhar paḌhnā

zindagī imtihān ho jaise

yun mohabbat ko umr-bhar paDhna

zindagi imtihan ho jaise

aañkh bhar ke maiñ ne ik baar use dekhā thā

shahr vaale mirī āñkhoñ meñ use dekhte haiñ

aankh bhar ke main ne ek bar use dekha tha

shahr wale meri aankhon mein use dekhte hain

maiñ ne lagāyā apne gunāhoñ kā jab hisāb

mujh ko phir apne aap se nafrat sī ho ga.ī

main ne lagaya apne gunahon ka jab hisab

mujh ko phir apne aap se nafrat si ho gai

is daur-e-āḳhirī kī jahālat to dekhiye

jis kī zabāñ-darāz hukūmat usī kī hai

is daur-e-aKHiri ki jahaalat to dekhiye

jis ki zaban-daraaz hukumat usi ki hai

tum mire paas jab nahīñ hote

dhaḌkaneñ ehtijāj kartī haiñ

tum mere pas jab nahin hote

dhaDkanen ehtijaj karti hain

zindagī fan nahīñ madārī kā

pāniyoñ se diye nahīñ jalte

zindagi fan nahin madari ka

paniyon se diye nahin jalte

'mahtāb' haqīqat se āgāh karo un ko

jo log nahīñ samjhe urdu kā maqām ab tak

'mahtab' haqiqat se aagah karo un ko

jo log nahin samjhe urdu ka maqam ab tak

detā rahā vo gāliyāñ aur maiñ rahā ḳhamosh

phir yuuñ huā ki vo mire qadmoñ meñ gir gayā

deta raha wo galiyan aur main raha KHamosh

phir yun hua ki wo mere qadmon mein gir gaya

ḳhaak Daalī hai maiñ ne jazboñ par

koī zaḳhm ab harā nahīñ hotā

KHak Dali hai main ne jazbon par

koi zaKHm ab hara nahin hota

āTHvāñ rañg kyā diyā us ne

ab ke ḳhud rañg ho gayā huuñ maiñ

aaTHwan rang kya diya us ne

ab ke KHud rang ho gaya hun main

maiñ hisār-e-zulmat-e-shab meñ huuñ jo bhaTak rahā huuñ galī galī

mujhe tīrgī se gilā nahīñ mujhe raushnī kī talāsh hai

main hisar-e-zulmat-e-shab mein hun jo bhaTak raha hun gali gali

mujhe tirgi se gila nahin mujhe raushni ki talash hai

apnī kamar se aap hī bāñdhe safar tamām

phir yuuñ huā ki maiñ kabhī apnā nahīñ banā

apni kamar se aap hi bandhe safar tamam

phir yun hua ki main kabhi apna nahin bana

mujhe ma.alūm hai tum gir chuke ho

ab apnī haar ko manzūr kar lo

mujhe malum hai tum gir chuke ho

ab apni haar ko manzur kar lo

shahr vaale nazar aate haiñ mohazzab mujh ko

yahāñ har shaḳhs hai ik dard kā dīvān liye

shahr wale nazar aate hain mohazzab mujh ko

yahan har shaKHs hai ek dard ka diwan liye

'mahtāb' umr-bhar bhī na hogā rafū kabhī

vo pal jo nafratoñ ne udheḌā thā ek din

'mahtab' umr-bhar bhi na hoga rafu kabhi

wo pal jo nafraton ne udheDa tha ek din