عجیب قید تھی جس میں بہت خوشی تھی مجھے

اب اشک تھمتے نہیں ہیں یہ کیا رہا ہوا میں

ہماری خاک تبرک سمجھ کے لے جاؤ

ہماری جان محبت کی لو میں جلتی تھی

سنا ہے میں نے اذیت مزہ بھی دیتی ہے

سنا ہے دل کی خلش میں سکوں بھی ہوتا ہے

ایک حالت تھی مری اور ایک حالت دل کی تھی

میری حالت تو وہی ہے دل کی وہ حالت گئی

ایک کانٹے کی کھٹک سے دل مرا آباد تھا

وہ گیا تو دل سے میرے درد کی راحت گئی

عجیب ڈھنگ سے تقسیم کار کی اس نے

سو جس کو دل نہ دیا اس کو دل ربائی دی

زمیں نئی تھی عناصر کی خو بدلتی تھی

ہوا سے پہلے جزیرے پہ دھوپ چلتی تھی

الجھ رہا تھا ابھی خواب کی فصیل سے میں

کہ نارسائی نے اک شب مجھے رسائی دی

رس رہا ہے مدت سے کوئی پہلا غم مجھ میں

راستہ بناتا ہے آنسوؤں کا نم مجھ میں