ajiib qaid thī jis meñ bahut ḳhushī thī mujhe

ab ashk thamte nahīñ haiñ ye kyā rihā huā maiñ

ajib qaid thi jis mein bahut KHushi thi mujhe

ab ashk thamte nahin hain ye kya riha hua main

sunā hai maiñ ne aziyyat maza bhī detī hai

sunā hai dil kī ḳhalish meñ sakūñ bhī hotā hai

suna hai main ne aziyyat maza bhi deti hai

suna hai dil ki KHalish mein sakun bhi hota hai

hamārī ḳhaak tabarruk samajh ke le jaao

hamārī jaan mohabbat kī lau meñ jaltī thī

hamari KHak tabarruk samajh ke le jao

hamari jaan mohabbat ki lau mein jalti thi

ek hālat thī mirī aur ek hālat dil kī thī

merī hālat to vahī hai dil kī vo hālat ga.ī

ek haalat thi meri aur ek haalat dil ki thi

meri haalat to wahi hai dil ki wo haalat gai

ek kāñTe kī khaTak se dil mirā ābād thā

vo gayā to dil se mere dard kī rāhat ga.ī

ek kanTe ki khaTak se dil mera aabaad tha

wo gaya to dil se mere dard ki rahat gai

ajiib Dhañg se taqsīm-e-kār kī us ne

so jis ko dil na diyā us ko dilrubā.ī dī

ajib Dhang se taqsim-e-kar ki us ne

so jis ko dil na diya us ko dilrubai di

zamīñ na.ī thī anāsir kī ḳhū badaltī thī

havā se pahle jazīre pe dhuup chaltī thī

zamin nai thi anasir ki KHu badalti thi

hawa se pahle jazire pe dhup chalti thi

ulajh rahā thā abhī ḳhvāb kī fasīl se maiñ

ki nā-rasā.ī ne ik shab mujhe rasā.ī dī

ulajh raha tha abhi KHwab ki fasil se main

ki na-rasai ne ek shab mujhe rasai di

ris rahā hai muddat se koī pahlā ġham mujh meñ

rāsta banātā hai āñsuoñ kā nam mujh meñ

ris raha hai muddat se koi pahla gham mujh mein

rasta banata hai aansuon ka nam mujh mein