vo saarī ḳhushiyāñ jo us ne chāhīñ uThā ke jholī meñ apnī rakh liiñ

hamāre hisse meñ uzr aa.e javāz aa.e usuul aa.e

wo sari KHushiyan jo us ne chahin uTha ke jholi mein apni rakh lin

hamare hisse mein uzr aae jawaz aae usul aae

bichhaḌne vaale ne vaqt-e-ruḳhsat kuchh is nazar se palaT ke dekhā

ki jaise vo bhī ye kah rahā ho tum apne ghar kā ḳhayāl rakhnā

bichhaDne wale ne waqt-e-ruKHsat kuchh is nazar se palaT ke dekha

ki jaise wo bhi ye kah raha ho tum apne ghar ka KHayal rakhna

in ujḌī bastiyoñ kā koī to nishāñ rahe

chūlhe jaleñ ki ghar hī jaleñ par dhuāñ rahe

in ujDi bastiyon ka koi to nishan rahe

chulhe jalen ki ghar hi jalen par dhuan rahe