vāqif kahāñ zamāna hamārī uḌaan se

vo aur the jo haar ga.e āsmān se

waqif kahan zamana hamari uDan se

wo aur the jo haar gae aasman se

rah ga.ī hai kuchh kamī to kyā shikāyat hai 'fahīm'

is jahāñ meñ sab adhūre haiñ mukammal kaun hai

rah gai hai kuchh kami to kya shikayat hai 'fahim'

is jahan mein sab adhure hain mukammal kaun hai

shaam ḳhāmosh hai peḌoñ pe ujālā kam hai

lauT aa.e haiñ sabhī ek parinda kam hai

sham KHamosh hai peDon pe ujala kam hai

lauT aae hain sabhi ek parinda kam hai

terī yādeñ ho ga.iiñ jaise muqaddas āyateñ

chain aatā hī nahīñ dil ko tilāvat ke baġhair

teri yaaden ho gain jaise muqaddas aayaten

chain aata hi nahin dil ko tilawat ke baghair

kitne tūfānoñ se ham uljhe tujhe ma.alūm kyā

peḌ ke dukh-dard kā phūloñ se andāza na kar

kitne tufanon se hum uljhe tujhe malum kya

peD ke dukh-dard ka phulon se andaza na kar