jis kī ḳhātir sabhī rishtoñ se huā thā munkir

ab sunā hai ki vahī shaḳhs ḳhafā hai mujh se

jis ki KHatir sabhi rishton se hua tha munkir

ab suna hai ki wahi shaKHs KHafa hai mujh se

vo ek moḌ jahāñ vo kabhī milā thā mujhe

us ek moḌ par us ko judā bhī honā thā

wo ek moD jahan wo kabhi mila tha mujhe

us ek moD par us ko juda bhi hona tha

abhī mujh meñ bahut himmat hai lekin

kisī haare hue lashkar meñ huuñ maiñ

abhi mujh mein bahut himmat hai lekin

kisi haare hue lashkar mein hun main

aur kyā deñge ham tujhe jānāñ

zindagī tere naam karte haiñ

aur kya denge hum tujhe jaanan

zindagi tere nam karte hain

mujh se bichhḌā hai magar ye bhī na sochā tū ne

is qadar TuuT ke phir kaun tujhe chāhegā

mujh se bichhDa hai magar ye bhi na socha tu ne

is qadar TuT ke phir kaun tujhe chahega