nahīñ hotī hai rāh-e-ishq meñ āsān manzil

safar meñ bhī to sadiyoñ kī masāfat chāhiye hai

nahin hoti hai rah-e-ishq mein aasan manzil

safar mein bhi to sadiyon ki masafat chahiye hai

tirā dīdār ho āñkheñ kisī bhī samt dekheñ

so har chehre meñ ab terī shabāhat chāhiye hai

tera didar ho aankhen kisi bhi samt dekhen

so har chehre mein ab teri shabahat chahiye hai

merā har ḳhvāb to bas ḳhvāb hī jaisā niklā

kyā kisī ḳhvāb kī ta.abīr bhī ho saktī hai

mera har KHwab to bas KHwab hi jaisa nikla

kya kisi KHwab ki tabir bhi ho sakti hai

DhūñDeñge har ik chiiz meñ jiine kī umañgeñ

dil kī kisī ḳhvāhish ko bhī māreñge nahīñ ham

DhunDenge har ek chiz mein jine ki umangen

dil ki kisi KHwahish ko bhi marenge nahin hum

milnā hai agar ḳhud se to phir der na karnā

kho jaane kā Dar hotā hai tāḳhīr meñ likh de

milna hai agar KHud se to phir der na karna

kho jaane ka Dar hota hai taKHir mein likh de