ye tasavvur hī jaan levā hai

vo kisī aur kā hai merā nahīñ

ye tasawwur hi jaan lewa hai

wo kisi aur ka hai mera nahin

anā roke hue hai ham ko varna

tumheñ vāpas bulānā chāhte haiñ

ana roke hue hai hum ko warna

tumhein wapas bulana chahte hain

mujh pe āsān ho gayā thā vo

vo bhī urdu meñ baat kartā thā

mujh pe aasan ho gaya tha wo

wo bhi urdu mein baat karta tha

shahr meñ ham sā bhī nahīñ koī

ik vahī be-misāl thoḌī hai

shahr mein hum sa bhi nahin koi

ek wahi be-misal thoDi hai

koī raah dete nahīñ dā.ere bhī

hai jhīloñ kā paanī adhūrī mohabbat

maiñ us kī huuñ lekin vo merā nahīñ hai

ye puurī kahānī adhūrī mohabbat

koi rah dete nahin daere bhi

hai jhilon ka pani adhuri mohabbat

main us ki hun lekin wo mera nahin hai

ye puri kahani adhuri mohabbat

haiñ udāsī ke aur bhī asbāb

mujh ko terā malāl thoḌī hai

hain udasi ke aur bhi asbab

mujh ko tera malal thoDi hai

ik hamārī sadā thī is ban meñ

lo jī ḳhāmosh ho ga.e ham bhī

ek hamari sada thi is ban mein

lo ji KHamosh ho gae hum bhi

hijrat mujh se lipaT ga.ī hai

paañv meñ kitne aur safar haiñ

hijrat mujh se lipaT gai hai

panw mein kitne aur safar hain

ik ma.asūm parinda hai dil

un āñkhoñ meñ jaal hai sāhab

ek masum parinda hai dil

un aankhon mein jal hai sahab