dekh suqrāt ne bas zahr piyā thā lekin

zindagī maiñ to tujhe ghol ke pī jā.ūñgī

dekh suqraat ne bas zahr piya tha lekin

zindagi main to tujhe ghol ke pi jaungi

tumhārī shab hai mātam-kunāñ abhī mujh meñ

tumhārā dard abhī tak siyah libās meñ hai

tumhaari shab hai matam-kunan abhi mujh mein

tumhaara dard abhi tak siyah libas mein hai

kuchh is liye bhī mujhe kāmyābī miltī hai

maiñ apne baabā ke naqsh-e-qadam pe chaltī huuñ

kuchh is liye bhi mujhe kaamyabi milti hai

main apne baba ke naqsh-e-qadam pe chalti hun

vaqt jab aa.ina dikhātā hai

aadmī ḳhud ko bhuul jaatā hai

waqt jab aaina dikhata hai

aadmi KHud ko bhul jata hai

aaj phir tum ko ham ne dekhā hai

aaj mahshar banī haiñ ye āñkheñ

aaj phir tum ko hum ne dekha hai

aaj mahshar bani hain ye aankhen

ham ne ġhazloñ meñ jo utārā hai

tirī āñkhoñ kā isti.āra hai

hum ne ghazlon mein jo utara hai

teri aankhon ka istiara hai

mere ḳhvāboñ meñ roz aatī haiñ

apnī āñkheñ sañbhāl kar rakhiye

mere KHwabon mein roz aati hain

apni aankhen sanbhaal kar rakhiye

merī bīnā.ī kam nahīñ hogī

merī āñkhoñ meñ maañ kā chehra hai

meri binai kam nahin hogi

meri aankhon mein man ka chehra hai

mujh ko har lamha mirī maañ se mohabbat hai 'rabāb'

maiñ kisī roz bhulā duuñ use mumkin hī nahīñ

mujh ko har lamha meri man se mohabbat hai 'rabab'

main kisi roz bhula dun use mumkin hi nahin

ishq jab se mujhe mayassar hai

ḳhud ko hotī nahīñ mayassar maiñ

ishq jab se mujhe mayassar hai

KHud ko hoti nahin mayassar main

tīrgī jo baḌhtī hai ik diyā jalātī huuñ

yuuñ bhī apnī hastī ko aa.ina banātī huuñ

tirgi jo baDhti hai ek diya jalati hun

yun bhi apni hasti ko aaina banati hun

jab vo kahtī hai yuuñ ki uf tauba

merī tauba hī TuuT jaatī hai

jab wo kahti hai yun ki uf tauba

meri tauba hi TuT jati hai

kūza-gar maiñ tirī mohabbat meñ

apnī sūrat bigāḌ letī huuñ

kuza-gar main teri mohabbat mein

apni surat bigaD leti hun

kahā us ne batāo mere bin ye zindagī kyā hai

kahā maiñ ne vahī jo pāniyoñ maiñ jhaag hote haiñ

kaha us ne batao mere bin ye zindagi kya hai

kaha main ne wahi jo paniyon main jhag hote hain

mujh se pūchhā jo kisī ne tirī pahchān batā

maiñ pukārī maiñ tumhārī maiñ tumhārī maulā

mujh se puchha jo kisi ne teri pahchan bata

main pukari main tumhaari main tumhaari maula

aks jo āsmāñ pe rakkhā hai

ek din aa.ine meñ utregā

aks jo aasman pe rakkha hai

ek din aaine mein utrega

sar pe gar sā.ebāñ nahīñ to kyā

bhayyā merā to kul jahāñ ho tum

sar pe gar saeban nahin to kya

bhayya mera to kul jahan ho tum