jāntā us ko huuñ davā kī tarah

chāhtā us ko huuñ shifā kī tarah

jaanta us ko hun dawa ki tarah

chahta us ko hun shifa ki tarah

haqārat kī nigāhoñ se na farsh-e-ḳhāk ko dekho

amīroñ kā faqīroñ kā yahī āḳhir ko bistar hai

haqarat ki nigahon se na farsh-e-KHak ko dekho

amiron ka faqiron ka yahi aaKHir ko bistar hai

kī kisī par na jafā mere ba.ad

ḳhuub ro.e vo sunā mere ba.ad

ki kisi par na jafa mere baad

KHub roe wo suna mere baad

but-kade meñ bhī gayā ka.abe kī jānib bhī gayā

ab kahāñ DhūñDhne tujh ko tirā shaidā jaatā

but-kade mein bhi gaya kabe ki jaanib bhi gaya

ab kahan DhunDhne tujh ko tera shaida jata

yak-ba-yak tark na karnā thā mohabbat mujh se

ḳhair jis tarah se aatā thā vo aatā jaatā

yak-ba-yak tark na karna tha mohabbat mujh se

KHair jis tarah se aata tha wo aata jata