rahnā pal pal dhyān meñ

milnā iid ke iid meñ

rahna pal pal dhyan mein

milna id ke id mein

ye sūkhe patte nahīñ zamāne pe tabsire haiñ

shajar ne likh kar bikher dī haiñ fazā meñ bāteñ

ye sukhe patte nahin zamane pe tabsire hain

shajar ne likh kar bikher di hain faza mein baaten

vo mire kaase meñ yādeñ chhoḌ kar yuuñ chal diyā

jis tarah alfāz jaate hoñ muānī chhoḌ kar

wo mere kase mein yaaden chhoD kar yun chal diya

jis tarah alfaz jate hon muani chhoD kar

titliyāñ phuul meñ kyā DhūñDhtī rahtī haiñ sadā

kyā kahīñ bād-e-sabā rakh ga.ī paiġhām tirā

titliyan phul mein kya DhunDhti rahti hain sada

kya kahin baad-e-saba rakh gai paigham tera

chehroñ ko pairoñ se kuchal kar aage baḌh jaanā

jiit isī ko kahte haiñ to phir maiñ haar gayā

chehron ko pairon se kuchal kar aage baDh jaana

jit isi ko kahte hain to phir main haar gaya

us kī āñkhoñ meñ mohabbat kā gumāñ tak nahīñ aaj

kaun sī aag thī kal jis kā dhuāñ tak nahīñ aaj

us ki aankhon mein mohabbat ka guman tak nahin aaj

kaun si aag thi kal jis ka dhuan tak nahin aaj

sahar hote hī jaise ret bhar jaatī hai sāñsoñ meñ

nasīm-e-hijr tere zā.iqe achchhe nahīñ lagte

sahar hote hi jaise ret bhar jati hai sanson mein

nasim-e-hijr tere zaiqe achchhe nahin lagte

''jo bhī aave hai vo nazdīk hī baiThe hai tire''

shīsha-e-chashm meñ kis kis ko utārā huā hai

jo bhi aawe hai wo nazdik hi baiThe hai tire

shisha-e-chashm mein kis kis ko utara hua hai