apne kisī amal pe nadāmat nahīñ mujhe

thā nek-dil bahut jo gunahgār mujh meñ thā

apne kisi amal pe nadamat nahin mujhe

tha nek-dil bahut jo gunahgar mujh mein tha

is jahāñ meñ to apnā saaya bhī

raushnī ho to saath chaltā hai

is jahan mein to apna saya bhi

raushni ho to sath chalta hai

maiñ kuchh na kahūñ aur ye chāhūñ ki mirī baat

ḳhushbū kī tarah uḌ ke tire dil meñ utar jaa.e

main kuchh na kahun aur ye chahun ki meri baat

KHushbu ki tarah uD ke tere dil mein utar jae

tujh se vafā na kī to kisī se vafā na kī

kis tarah intiqām liyā apne aap se

tujh se wafa na ki to kisi se wafa na ki

kis tarah intiqam liya apne aap se

phir mirī aas baḌhā kar mujhe māyūs na kar

hāsil-e-ġham ko ḳhudā-rā ġham-e-hāsil na banā

phir meri aas baDha kar mujhe mayus na kar

hasil-e-gham ko KHuda-ra gham-e-hasil na bana