یہ شفق چاند ستارے نہیں اچھے لگتے

تم نہیں ہو تو نظارے نہیں اچھے لگتے

وقت خاموش ہے ٹوٹے ہوئے رشتوں کی طرح

وہ بھلا کیسے مرے دل کی خبر پائے گا

یہی فسانہ رہا ہے جنوں کے صحرا میں

کبھی فراق کے قصے کبھی وصال کی بات

شکستہ دل اندھیری شب اکیلا راہبر کیوں ہو

نہ ہو جب ہم سفر کوئی تو اپنا بھی سفر کیوں ہو

کتاب زیست کا عنوان بن گئے ہو تم

ہمارے پیار کی دیکھو یہ انتہا صاحب

آپ کا لہجہ شہد جیسا ترنم خیز ہے

خامشی اب توڑیئے اور بولئے میرے لیے

ابھی سے کیسے کہوں تم کو بے وفا صاحب

ابھی تو اپنے سفر کی ہے ابتدا صاحب

تمہارے بنا سب ادھورے ہیں جاناں

صبا پھول خوش بو چمن روشنی رنگ

روشنی پھوٹ نکلی مصرعوں سے

چاند کو جب غزل میں سوچا ہے

صلہ دیا ہے محبت کا تم نے یہ کیسا

مسرتوں میں بھی رونے لگی ہیں اب آنکھیں

شاخ در شاخ ہوتی ہے زخمی

جب پرندہ شکار ہوتا ہے

مری چاہتوں میں غرور ہو دل ناتواں میں سرور ہو

تمہیں اب کے کھانا ہے وہ قسم کہ فریب میں بھی یقین ہو

یہ روشنی ترے کمرے میں خود نہیں آئی

شمع کا جسم پگھلنے کے بعد آئی ہے

زندگی آج تیرا لطف و کرم

کم اگر ہے تو آج کم ہی سہی

یہ کیسی وقت نے بدلی ہے کروٹ

فریب زندگی ہے اور میں ہوں

بہار آئی تو کھل کر کہا ہے پھولوں نے

یہ کس نے چھیڑ دی گلشن میں پھر جمال کی بات

کس خطا کی سزا ملی اس کو

کس لیے روز گھٹتا بڑھتا ہے

بہاروں کے آنچل میں خوش بو چھپی ہے

گلوں کی قبا میں بھرے ہیں سبھی رنگ

کیسے صحرا میں بھٹکتا ہے مرا تشنہ لب

کیسی بستی ہے جہاں ملتا نہیں پانی تک

اس سے مت کہنا مری بے سر و سامانی تک

وہ نہ آ جائے کہیں مری پریشانی تک

تمام فکر زمانے کی ٹال دیتا ہے

یہ کیسا کیف تمہارا خیال دیتا ہے