Iqbal Kausar's Photo'

Iqbal Kausar

Ghazal 14

Sher 10

jis tarah log ḳhasāre meñ bahut sochte haiñ

aaj kal ham tire baare meñ bahut sochte haiñ

jis tarah log KHasare mein bahut sochte hain

aaj kal hum tere bare mein bahut sochte hain

tirī pahlī diid ke saath vo fusūñ bhī thā

tujhe dekh kar tujhe dekhnā mujhe aa gayā

teri pahli did ke sath hi wo fusun bhi tha

tujhe dekh kar tujhe dekhna mujhe aa gaya

ziyān-e-dil is bāzār meñ sūd-e-mohabbat hai

yahāñ hai fā.eda ḳhud ko agar nuqsān meñ rakh leñ

ziyan-e-dil hi is bazar mein sud-e-mohabbat hai

yahan hai faeda KHud ko agar nuqsan mein rakh len

vo bhī ro ro ke bujhā Daalā hai ab āñkhoñ ne

raushnī detā thā jo ek diyā andar se

wo bhi ro ro ke bujha Dala hai ab aankhon ne

raushni deta tha jo ek diya andar se

banñā thā to bantā na farishta na ḳhudā maiñ

insān bantā mirī takmīl to ye thī

banna tha to banta na farishta na KHuda main

insan hi banta meri takmil to ye thi