اقبال نوید کی شاعری

اقبال نوید کے اشعار

رات بھر کوئی نہ دروازہ کھلا

دستکیں دیتی رہی پاگل ہوا

خواہشوں کے پیڑ سے گرتے ہوئے پتے نہ چن

زندگی کے صحن میں امید کا پودا لگا

پھینک دے باہر کی جانب اپنے اندر کی گھٹن

اپنی آنکھوں کو لگا دے گھر کی ہر کھڑکی کے ساتھ

خدا جانے گریباں کس کے ہیں اور ہاتھ کس کے ہیں

اندھیرے میں کسی کی شکل پہچانی نہیں جاتی

مری خواہش ہے دنیا کو بھی اپنے ساتھ لے آؤں

بلندی کی طرف لیکن کبھی پستی نہیں جاتی

اب اتنی زور سے ہر گھر پہ دستکیں دینا

اگر جواب نہ آئے تو در نکل جائے