na rahā koī taar dāman meñ

ab nahīñ hājat-e-rafū mujh ko

na raha koi tar daman mein

ab nahin hajat-e-rafu mujh ko

jo tasavvur se māvarā na huā

vo to banda huā ḳhudā na huā

jo tasawwur se mawara na hua

wo to banda hua KHuda na hua

āshob-e-iztirāb meñ khaTkā jo hai to ye

ġham terā mil na jaa.e ġham-e-rozgār meñ

aashob-e-iztirab mein khaTka jo hai to ye

gham tera mil na jae gham-e-rozgar mein

vo shabnam kā sukūñ ho yā ki parvāne kī betābī

agar uḌne kī dhun hogī to hoñge bāl-o-par paidā

wo shabnam ka sukun ho ya ki parwane ki betabi

agar uDne ki dhun hogi to honge baal-o-par paida

kuchh aisā hai fareb-e-nargis-e-mastāna barsoñ se

ki sab bhūle hue haiñ kaaba o but-ḳhāna barsoñ se

kuchh aisa hai fareb-e-nargis-e-mastana barson se

ki sab bhule hue hain kaba o but-KHana barson se