نہ رہا کوئی تار دامن میں

اب نہیں حاجت رفو مجھ کو

جو تصور سے ماورا نہ ہوا

وہ تو بندہ ہوا خدا نہ ہوا

آشوب اضطراب میں کھٹکا جو ہے تو یہ

غم تیرا مل نہ جائے غم روزگار میں

وہ شبنم کا سکوں ہو یا کہ پروانے کی بیتابی

اگر اڑنے کی دھن ہوگی تو ہوں گے بال و پر پیدا

کچھ ایسا ہے فریب نرگس مستانہ برسوں سے

کہ سب بھولے ہوئے ہیں کعبہ و بت خانہ برسوں سے

حسن فطرت کی آبرو مجھ سے

آب و گل میں ہے رنگ و بو مجھ سے

خاکستر دل میں تو نہ تھا ایک شرر بھی

بیکار اسے برباد کیا موج صبا نے

کافی ہے بہت وسعت صحرائے زمانہ

ہم اور کہیں ڈھونڈ نکالیں گے ٹھکانہ