tujh se milne kā bahāna to koī chāhiye thā

ham ne vo ek bahāna kabhī DhūñDā hī nahīñ

tujh se milne ka bahana to koi chahiye tha

hum ne wo ek bahana kabhi DhunDa hi nahin

dostī ik din dushman se ho saktī hai

soch ke ye laḌne kā irāda chhoḌ diyā

dosti ek din dushman se ho sakti hai

soch ke ye laDne ka irada chhoD diya

Thukrā ke chale aa.e ḳhud.dār tabī.at hai

ham un kī ināyat ko ḳhairāt samajhte haiñ

Thukra ke chale aae KHuddar tabiat hai

hum un ki inayat ko KHairaat samajhte hain

koī to aisā ho jis se maiñ dil kī baat karūñ

so apne aap se hī baat kartā rahtā huuñ

koi to aisa ho jis se main dil ki baat karun

so apne aap se hi baat karta rahta hun

nahīñ ye mehñdī nahīñ hai tumhāre hāthoñ par

kisī kā ḳhūn-e-tamannā lagā.e baiThe ho

nahin ye mehndi nahin hai tumhaare hathon par

kisi ka KHun-e-tamanna lagae baiThe ho

jab ḳhatm huī dil se īsār kī gunjā.ish

āñgan meñ nikal aa.ī dīvār kī gunjā.ish

jab KHatm hui dil se isar ki gunjaish

aangan mein nikal aai diwar ki gunjaish

tazkire haiñ to faqat qatl ke andāz ke haiñ

shahr meñ qatl kā mere koī charchā hī nahīñ

tazkire hain to faqat qatl ke andaz ke hain

shahr mein qatl ka mere koi charcha hi nahin

merī ḳhud-farāmoshī ab yahāñ tak aa pahūñchī

pūchhtā huuñ logoñ se tum ne mujh ko dekhā hai

meri KHud-faramoshi ab yahan tak aa pahunchi

puchhta hun logon se tum ne mujh ko dekha hai

tum apnā dariyā yahāñ se sameT lo varna

hamārī pyaas kī garmī use jalā degī

tum apna dariya yahan se sameT lo warna

hamari pyas ki garmi use jala degi

sar ko neza nasīb hotā hai

sarfarāzī yūñhī nahīñ miltī

sar ko neza nasib hota hai

sarfaraazi yunhi nahin milti

koī dast-e-masīhā.ī karam-andāz hone tak

namak-pāshī kā zaḳhmoñ ko maza bhī lag chukā hogā

koi dast-e-masihai karam-andaz hone tak

namak-pashi ka zaKHmon ko maza bhi lag chuka hoga