سنو کہ اب ہم گلاب دیں گے گلاب لیں گے

محبتوں میں کوئی خسارہ نہیں چلے گا

جو دن چڑھا تو ہمیں نیند کی ضرورت تھی

سحر کی آس میں ہم لوگ رات بھر جاگے

نکل گلاب کی مٹھی سے اور خوشبو بن

میں بھاگتا ہوں ترے پیچھے اور تو جگنو بن

کوئی کہانی کوئی واقعہ سنا تو سہی

اگر ہنسا نہیں سکتا مجھے رلا تو سہی

بے تکی روشنی میں پرائے اندھیرے لیے

ایک منظر ہے تیرے لیے ایک میرے لیے

شام پیاری شام اس پر بھی کوئی در کھول دے

شاخ پر بیٹھی ہوئی ہے ایک بے گھر فاختہ

تجھے میں غور سے دیکھوں میں تجھ سے پیار کروں

اے میرے بت تو مرے بت کدوں سے باہر آ

عجیب سانحہ گزرا ہے ان گھروں پہ کوئی

کہ چونکتا ہی نہیں اب تو دستکوں پہ کوئی

ہر ایک حد سے پرے اپنا بوریا لے جا

بدی کا نام نہ لے اور نیکیوں سے نکل

عجب خوابوں سے میرا رابطہ رکھا گیا

مجھے سوئے ہوؤں میں جاگتا رکھا گیا