aaj apne bhī parā.e se nazar aate haiñ

pyaar kī rasm zamāne se uThī jaatī hai

aaj apne bhi parae se nazar aate hain

pyar ki rasm zamane se uThi jati hai

aañkh uThāo to hijābāt kā ik aalam hai

dil se dekho to koī raah meñ haa.il bhī nahīñ

aankh uThao to hijabaat ka ek aalam hai

dil se dekho to koi rah mein hail bhi nahin

ġham se ehsās kā ā.īna jilā paatā hai

aur ġham sīkhe hai aa kar ye salīqa mujh se

gham se ehsas ka aaina jila pata hai

aur gham sikhe hai aa kar ye saliqa mujh se

koī ḳhayāl koī yaad koī to ehsās

milā de aaj zarā aa ke ham ko ḳhud ham se

koi KHayal koi yaad koi to ehsas

mila de aaj zara aa ke hum ko KHud hum se

muddat se rahī farsh tirī rāhguzar meñ

tab jā ke sitāroñ se kahīñ aañkh laḌī hai

muddat se rahi farsh teri rahguzar mein

tab ja ke sitaron se kahin aankh laDi hai