maiñ apne jism ke andar na dafn ho jā.ūñ

mujhe vajūd ke girte hue makāñ se nikāl

main apne jism ke andar na dafn ho jaun

mujhe wajud ke girte hue makan se nikal

ashk āñkhoñ se ye kah kar niklā

ye tire zabt kī had hai? had hai

ashk aankhon se ye kah kar nikla

ye tere zabt ki had hai? had hai

rakkhī thī tasvīr tumhārī āñkhoñ meñ

ham ne saarī raat guzārī āñkhoñ meñ

rakkhi thi taswir tumhaari aankhon mein

hum ne sari raat guzari aankhon mein

ek bachcha sā be-sabab 'jāzil'

baiThā rahtā hai ruuTh kar mujh meñ

ek bachcha sa be-sabab 'jazil'

baiTha rahta hai ruTh kar mujh mein

zindagī tujh ko tire dard ke har ik pal ko

ham ne jis tarah guzārā hai ḳhudā jāntā hai

zindagi tujh ko tere dard ke har ek pal ko

hum ne jis tarah guzara hai KHuda jaanta hai

chhāñv chhāñv pukārtā jaa.e

kaun karne lagā safar mujh meñ

chhanw chhanw pukarta jae

kaun karne laga safar mujh mein